რა დაემართა გიორგი კვირიკაშვილის მისი უკანასკნელი პოსტის შემდეგ სოციალურ ქსელში

ყოფილმა პრემიერ-მინისტრმა დღეს ფეისბუკზე პოსტი დაწერა, სადაც უზენაესი სასამართლოს მიერ გიგი უგულავასთვის გამოტანილი განაჩენი „მართლმსაჯულების პოლიტიკური მიზნით გამოყენებად“ და „დემოკრატიულ კურსზე უარის თქმად“ შეაფასა გამოხმაურებიდან რამდენიმე საათში კი მისი ფეისბუკის გვერდი აღარ იძებნება.  

საქართველოს ყოფილი პრემიერმინისტრი გიორგი კვირიკაშვილი თბილისის ყოფილი მერის გიგი უგულავას დაკავებასთან დაკავშირებით განცხადებას ავრცელებს. კვირიკაშვილი ამ ფაქტს მართლმსაჯულების სისტემის პოლიტიკური მიზნით გამოყენებად აფასებს.
„როდესაც რამდენიმე თვე რჩება უმნიშვნელოვანეს არჩევნებამდე და ხდება ერთ-ერთი ოპოზიციური ძალის ლიდერის დაპატიმრება, მითუმეტეს, როცა ამ ფაქტს წინ უძღვის საარჩევნო სისტემაზე საჯაროდ გაცემული პირობის დარღვევა და საქართველოს სტრატეგიული პარტნიორების უმწვავესი კრიტიკა, ეს ქმედება შეიძლება შეფასდეს, როგორც მართლმსაჯულების სისტემის პოლიტიკური მიზნით გამოყენებად, ხოლო შექმნილი ტენდენცია - როგორც ხელისუფლების მხრიდან (გამიზნულად თუ გაუაზრებლად - აღარ აქვს მნიშვნელობა) მოსახლეობის უდიდესი ნაწილის მიერ არჩეულ დემოკრატიულ კურსზე უარის თქმად, რასაც ლოგიკურად მოჰყვება 2020 წლის არჩევნების შედეგების წინასწარი დელეგიტიმაცია. ამ აზრზეა ყველა საღად მოაზროვნე ადამიანი, განურჩევლად იმისა, ჯდება თუ არა გიგი უგულავა მის პოლიტიკურ გემოვნებაში - აქვე დავაზუსტებ, რომ პირადად ჩემი და ევროპული საქართველოს პოლიტიკური მრწამსი იყო და რჩება კარდინალურად განსხვავებული.
ასეთი ქმედებებით ხელისუფლება იღებს სრულ პასუხისმგებლობას შემდგომი პოლარიზაციის ზრდაზე.მოვუწოდებ მას, იღონოს ყველაფერი, რათა მოხდეს პოლიტიკური პროცესის ნორმალიზაცია, საზოგადოების პოლარიზაციის თავიდან აცილება და უმნიშვნელოვანესი არჩევნების მშვიდობიანად ჩატარება“, - წერს გიორგი კვირიკაშვილი Facebook-ზე.
> </div>
 
  
  
        
        
        <div class= 1 602 / 12 February 2020"
სხვა სიახლეები
კომენტარები